தூத்துக்குடி சிவன் கோயிலில் ஐப்பசி திருக்கல்யாணத் திருவிழா கோலாகல தொடக்கம்! கொடியேற்றத்துடன் தொடங்கிய விழா சிறப்பு பூஜையில் அமைச்சர் ஸ்ரீநாத் பங்கேற்பு!

தூத்துக்குடி சிவன் கோயிலில் ஐப்பசி திருக்கல்யாணத் திருவிழா கோலாகல தொடக்கம்!

கொடியேற்றத்துடன் தொடங்கிய விழா சிறப்பு பூஜையில் அமைச்சர் ஸ்ரீநாத் பங்கேற்பு!

தூத்துக்குடி, அக்.26: தூத்துக்குடியில் பிரசித்தி பெற்ற அருள்மிகு ஸ்ரீ பாகம்பிரியாள் உடனுறை ஸ்ரீ சங்கர ராமேஸ்வரர் திருக்கோயிலில் ஐப்பசி திருக்கல்யாணத் திருவிழா இன்று (26.10.2026) காலை 9 மணிக்கு கொடியேற்றத்துடன் கோலாகலமாகத் தொடங்கியது.

தூத்துக்குடி சிவன் கோயில் செல்வம் பட்டர் தலைமையில் வேத மந்திரங்கள் முழங்க, சிறப்பு பூஜைகள் மற்றும் தீபாராதனைகளுடன் திருவிழா கொடியேற்றம் நடைபெற்றது.

இந்நிகழ்ச்சியில் அமைச்சர் ஸ்ரீநாத் கலந்துகொண்டு சுவாமி தரிசனம் செய்தார். திருக்கோயிலில் அருள்மிகு பாகம்பிரியாள் அம்மன் மற்றும் அருள்மிகு சங்கர ராமேஸ்வரருக்கு சிறப்பு வழிபாடுகள் நடைபெற்றன.

ஐப்பசி திருக்கல்யாணத் திருவிழாவை முன்னிட்டு தொடர்ந்து பத்து நாட்கள் பல்வேறு வாகனங்களில் சுவாமி, அம்பாள் வீதியுலா உள்ளிட்ட சிறப்பு நிகழ்ச்சிகள் நடைபெற உள்ளன.

திருவிழாவின் முக்கிய நிகழ்வான திருக்கல்யாண வைபவத்திற்கான ஏற்பாடுகளைத் திருக்கோயில் நிர்வாகத்தினர் மேற்கொண்டு வருகின்றனர்.

கொடியேற்ற நிகழ்ச்சியில் பக்தர்கள் கலந்துகொண்டு சுவாமி, அம்பாளை வழிபட்டனர்.